Antzerki jaialdia

BIZKAIKO ANTZERKI JAIALDIRIK ZAHARRENAK 38 URTE BETEKO DITU

XXXVIII. Antzerki Jaialdia aurten azaroaren 1ean hasi eta abenduaren 2an bukatuko da.

Oraingo honetan, kalitate handiko 16 ikuskizun bikain izango dira, gehienak formatu handikoak. Besteak beste, nazioarteko dantza ikuskizun bi izango dira: "Tu nombre me sabe a Tango", tangoaren sustraietara sartzen den Kolonbiako ekoizpena, eta "Chouz", etxeko txikientzat zuzendutako Nathalie Cornille talde frantziarraren lana. Nazioarteko beste talde bat ere etorriko zaigu: Do Chapitó talde portugaldarra. Euskararen tartea, ordea, sekulako bi ikuskizunek beteko dute: Bernado Atxagaren Obabakoak eta euskal musikaren historia birpasatzen duen Ez Dok Hiru umorezko ikuskizuna.

Aurkeztuko diren lan gehienak formatu handikoak dira. "El último tren a Treblinka" antzezlanean, adibidez, 175 ikus-entzule baino ezin izango dira sartu, publikoa ohe-literetan jarriko delako, antzezlanaren parte bilakatuz.

Jaialdi honetan antzerki-munduko antzezle adierazgarrienetako batzuk elkartuko dira, besteak beste, Carmen Machi, Pepón Nieto, María Barranco, Luis Merlo, Malena Altero, Isabel Ordaz, Mariano Peña, Daniel Guzmán, Miren Ibarguen, Joseba Apaolaza, Itziar Atienza...

Lan horien sarrerak merke-merkeak dira, 4-20 euro bitartekoak, eta gainera lan guztiak gozatzeko 125 euroko abonua dago (umeentzakoa eta euskarazkoak izan ezik).

Antzerki Jaialdiaren barruan Euskadiko Antzoki Sarearen (SAREA) Batzar Nagusia izango da, eta bertan Euskadiko udal antzokietako zuzendari/programatzaileek hartuko dute parte.

Antzerkia beti izan da gizakiok munduaren aurrean jartzen garen lekua bizi dugun unea ulertzeko. Era berean, Santurtziko Antzerki Jaialdiak, 38 urte pasa ondoren, unean uneko kultura-adierazpen garrantzitsuenaren inguruan beste batzuekin elkartzeaz gozatzen laguntzen diguten ekimen ugari horien arteko beste tanta bat izan nahi du. Agian horregatik bilduko dira berriro milaka lagun Serantes Kultur Aretoak eskaintzen dituen lanen inguruan. Hona hemen lanak:

SERANTES KULTUR ARETOA Autonomiadun erakundea
Casa Torre Jauregia - Sabino Arana kalea, 5 48980 Santurtzi. Telefonoa: 94 420 58 50
lege-jakinarazpena | web-mapa facebook Perfil de twitter instagram