EL REY QUE FUE

ELS JOGLARS       90′

Egileak: Albert Boadella, Ramón Fontserè
Zuzendaritza: Albert Boadella
Antzezleak: Ramón Fontserè, Pilar Sáenz, Dolors Tuneu, Martí Salvat, Bruno López-Linares, Javier Villena

Juan Carlos I.a erregearen izaera eta egoera existentzialari buruzko gogoeta.
2023. urtea. Persiar golkoa. Errege emeritu, zahar eta erbesteratu batek bere aberri maitearen zaporea sentitu nahi du berriro. Horretarako, festa bat antolatuko du luxuzko belaontzi batean, itsaso zabalean paella gozoa dastatzeko. Kazetariak, lagunak, jekeak eta senideak daude gonbidatuta. Zer atera liteke txarto?

Helmugarik gabeko bidaia. Juan Carlos I.aren bizitzaren eta Espainiaren azken 50 urteotako berrikuspen zorrotza. Funtzio eta erantzukizun politikoetatik aparte bizi den errege baten tragedia, Shakespearek egiten zituenen estiloan, iraganeko mamuak, erabakiak, damuak, gauza onak eta txarrak ikusiko ditugu oholtzan. Zer gertatu zen horrelako amaiera zitala izateko?