Santurtziko Nazioarteko Abesbatzen Topaketek 35. Urteurrena beteko dute aurten Lagun Zaharrak Koral Elkarteari esker, bera baita ekitaldi honen erakunde antolatzailea. 1979an, Udalaren Kultura Batzordearen babespean, jarri zen abian Abesbatzen Santurtziko Astea, hasieran xumea zen, inguruko abesbatzek baino ez baitzuten parte hartzen. Baina 90eko hamarkadaren hasieran, bizimodu estiloaren aldaketak eta kontsumoak berak bultzatuta ( zaila zen zazpi egunez musika-topaketa hauetara joatea), Lagun Zaharrak Koral Elkarteak bi erabaki hartu zituen: batetik, ekitaldia luzatzea, eta aste oso batean egin beharrean hiruzpalau asteburutan egitea; eta bestetik, topaketak nolabait zabaltzea, mundu osoko abesbatzak ere ekarriz. Horri guztiorri esker topaketak gaur egun arte urtero egitea eta inguru honetako abesbatzen kontzerturik garrantzitsuenak izatea lortu da.
Aurtengo Topaketak urriaren 24tik azaroaren 8ra arteko asteburuetan egingo dira, zehatz-mehatz asteburu horietako ostiral eta larunbatetan, 20:30ean, San Jorge Elizan, eta Santurtziko Udaleko Kultura Arloko Autonomiadun Erakundea den “Serantes Kultur Aretoaren” babespean.
Abesbatzen Topaketen hogeita hamabosgarren edizio honen programan Bizkaiko abesbatza amateurrek eta musika arloko lehiaketarik ezagunenetan saria jaso duten nazioarteko abesbatza ezagunenek hartuko dute parte. Kontzertuak hurrengo koadro honetan azaltzen diren egunetan izango dira:
| EGUNA / DÍA |
ABESBATZA / CORO |
HERRIA / PAÍS |
| 24 Urria / Octubre |
“Glier Institute of Music” Female Choir of Kiev |
Kiev – Ucrania |
| 25 Urria / Octubre |
Coral Valle de Aranguren |
Mutilva – Navarra |
| 31 Urria / Octubre |
Gemma Vocal Ensemble |
Budapest – Hungria |
| 01 Azaroa / Noviembre |
Paramabira Gambara Abesbatza |
Jakarta – Indonesia |
| 07 Azaroa / Noviembre |
Zirzira Ahots Taldea |
Basauri – Bizkaia |
| 08 Azaroa / Noviembre |
Bakioko Abesbatza |
Bakio – Bizkaia |
| 08 Azaroa / Noviembre |
Lagun Zaharrak Abesbatz Elkartea |
Santurtzi – Bizkaia |
Dokumentoa deskargatu
