Serantes Kultur Aretoak eta Santurtziko Jai Batzordeak kontzertu-agenda borobila aurkeztu du Karmengo Jaietarako, inork espero zezakeen baino talde hobeak datoz eta.
Jaiak aurten uztailaren 11 eta 20 artean egingo dira, eta aste osoan izango dugu musika-estilo anitzeko kontzertuak gozatzeko aukera, musika munduan izen handiko kantariak etorriko baitira bertora publiko mota guztia asetzeko moduko musika jotzera.
Dani Martín etorriko da aurten Santurtzira. Eta espero dugu letragile, konpositore eta kantari bikain honek portuko oholtzan eskainiko duen kontzertua El Canto del Loco taldea aspaldi eman zuena bezain arrakastatsua gertatzea.
Mago de Oz “La abuela rock” Festival de Montillak ematen duen Rock Merituaren 2014ko Saria berriki jaso duen banda ezaguna ere izango dugu gure herrixka “guay” honetan. Horrez gain, Euskal Herriko talde garrantzitsuenetako bat ere izango dugu, Esne Beltza taldea hain zuzen, zeinek reggae, ska eta hip-hop erritmoak nahastuz eta trikitixaren laguntzaz besteak beste bere azken diskoaren (Gora) kantak ekarriko dizkigun.
Funk zertzeladak dituen pop-rock alternatiboa ere entzungo dugu Kanariar Irletatik datorren Efecto Pasillo taldearen eskutik, gaur egungo gazteek hain gogoko duten taldeak kontzertua eskainiko digu jaietako azken egunean.
Aurten keinua egin nahi diegu Santurtziko lehenengo jai herrikoiei, demokraziarekin batera heldu zirenak. Horregatik, eta euskal taldeak salbu Santurtzin kontzertuak errepikatzen ez diren arren, jaietako lehenengo larunbaterako “Los inhumanos” taldea egongo da, talde honekin eman baitzitzaion hasiera kontzertu mota berri bati. Gainera, larunbat horretan urte luze hauetan jaiak antolatzen eta garatzen ibili diren koadrila eta jai batzordeetako kide guztiekin elkarretaratzea egin nahi da. Omenaldi honetan, “Mojinos Escozios” ere izango dugu, taldea berriro ere etorriko baita Santurtziko jaietako oholtzara. Izan ere, oraindik dugu gogoan aspaldi Santurtzin eman zuten kontzertua, non taldeak eta publikoak bat egin zuten “festa kolektibo” batean, kantatuz, dantzatuz eta barrez lehertuz. Baina baldin badago gogoan izan beharreko talde bat, banatu arte sarri etortzen zelako, hori zalantzarik gabe, ITOIZ da. Horrela bada, nahiz eta taldea desegin zen, omenalditxoa egin nahi izan zaie bere klon apartaren laguntzaz, hau da, Espaloian taldearen laguntzaz.
Ohi bezala, Santurtziko talde gogoangarriak ere izango ditugu, urtero-urtero kantari baten laguntzaz kontzertu ederrak eskaintzen dizkigutenak, kalitate handikoak eta oso originalak.
Santurtziko Itsas Alde Txistulari Taldeak Txistulari kontzertuaren XIII. Edizioa antolatuko du, Jaime Martínezen zuzendaritzapean. Iaz bezala, Euskal Herriko hainbat tokitatik etorritako txistulariak egongo dira, eta horiekin batera, Portu Brass Metal Bostekoa, perkusio Jorge Pérez & Juan Carlos Pérez), baxu elektriko-gitarra (Juan Pérez), pianu eta teklatuak (José Luis Canal) jotzaileak. Horrez gain, Euskadiko aurtengo jota txapeldunak, Lander Campos santurtziarra eta Haizea Hormaetxea leioaztarra, dantzan arituko dira. Eta denokin kantari aurten Urko euskal kantautorea izango dugu.
Santurtziko Union Musical Vizcaina musika-bandak, Jose Miguel Medranoren zuzendaritzapean, eta Serafin Zubiri, Felipe Garpe eta laia Beaneches kantariek Nino Bravori egingo diote omenaldia kontzertu batean, non Valentziako kantari bikainaren abesti ezagunenak gozatu ahal izango ditugun. Nino Bravok jarraitzaile ugari izan zituen, bere ahots eder eta borobilaren bidez letra zoragarridun kantak helarazten jakin izan zuen eta.
Jai Batzordeak eta Serantes Kultur Aretoak santurtziarrak zein beste herri batzuetatik etorritakoak hurrengo kontzertu hauetan parte hartzera animatzen zaituztete:
Uztailak
11 (ostirala), 22:30 Txistulari Banda “Itsas Alde Txistulari Taldea”…. eta URKO
12 (larunbata), 23:00 Los Inhumanos
13 (igandea), 22:30 Itoiz taldearen omenez “Espaloian”
14 (astelehena), 23:00 Mago de Oz
15 (asteartea), 23:00 Dani Martin
16 (asteazkena), 23:30 Musika Banda “Unión Musical Vizcaína”, Serafin Zubiri, Felipe Garpe eta Laia Benaeches
17 (osteguna), 23:00 Esne Beltza
18 (ostirala), 23:00 Mojinos Escozios
19 (larunbata), 23:00 Efecto Pasillo
Arrantza Portuan
Argibide gehiago nahi izanez gero, deitu Serantes Kultur Aretoa Autonomiadun Erakundera, telefonoa: 94-20.58.50 (Marga Olabarrieta)
