San Jorge jaiak apirilaren 20, 21, 22, 23,, 27, 28 eta 29an ospatuko dira, apirilaren 23an baita San Jorge eguna, Santurtziko patroia, zeinengandik gure herriak izena hartu zuen.
Lehenengo asteburuko ekitaldiak Santurtziko Udaleko Kultura arloko Serantes Kultur Aretoa Autonomiadun Erakundeak antolatu ditu, bigarrenekoak, berriz, San Jorgeko Txosnaguneak.
Aipatutakoez gain herriko hainbat erakundek eta elkartek laguntza emango dute jaietan, hala nola, Merkatari Batuak-ek, euskal dantza taldeek, Santurtziko Ahots Zuriak abesbatzak, Maitia Koralak, Santurtzi kantarik, Mendi Alde erraldoi eta buruhandien konpartsak, musika eta txistulari bandek, Gaztela eta Leoneko etxeko dultzaineroek, Santurtziko atletismo eskolak…
Jaietako ekitaldi gehienak Parke Nagusian, Gernika parkean, oinez-gunean eta arrantza portuan egingo dira.
Hona hemen jai-egitarauaren ekitaldi azpimarragarrienak:
Serantes Kultur Aretoa antzokian ikusi ahal izango diren antzezlanak honako hauek dira: apirilaren 20an “LA TERNURA”, Alfredo Sanzolek zuzenduta (2017ko Antzerki Sari Nazionala), maitasunaren indarra eta ausardiari buruzkoa eta antzezle talde bikaina duena, eta apirilaren 27an Rafael Chirbesen “EN LA ORILLA” (Narratiba Sari Nazionala), Adolfo Fernándezek zuzenduta eta antzezle talde bikaina duena. Ercilla Saria eta oso kritika onak ere jaso ditu.
20an berbena URRATS taldearen eskutik. 21ean Gau Technoa izango da PACO PIL eta CHIMO BAYOrekin eta 28an herriko taldeek emango dute kontzertua: Rum For All, Kodigo Penal eta Ansia. Apirilaren 27an kontzertu bikoitza izango da F.R.A.C. (Fundación de Raperos Atípicos de Cádiz) eta REVOLTA PERMANENT taldeekin.
Era berean, Santurtziko Musika Eskolako Maitia Koralak apirilaren 20an kontzertua emango du Mamarigako elizan. San Jorge elizan, 21ean, Santurtziko V. Gala liriko-korala egingo da Ahots Zuriak Abesbatzaren eskutik eta 22an, Unión Musical Vizcaína Musika Bandaren kontzertua izango da Irene Ojanguren sopranoarekin batera.
Apirilaren 22an Kantulagun egongo da parke nagusian haiekin batera euskaraz kantatzera gonbidatuz. 28an, berriz, Santurtzi Kantari izango dugu. Udalerriko zenbait abesbatza eta erakundetako kidez osatutako talde hau herriko kaleetan ibiliko da euskal kanta herrikoiak abesten.
Apirilaren 20tik 22ra Liburuaren Azoka Solidarioa burutuko da eta biltzen den dirua San Jorge elizaren egurrezko tinpanoaren zaharberritze lanetarako eta kopia bat egiteko izango da. Tinpanoa 1932ko suteak kaltetu zuen eta Bilboko Arte Sakro Museoan dago.
Apirilaren 23an umeen alarde tradizionalak, urtero bezala, mila dantzari baino gehiago bilduko ditu, denak Ezkerraldeko dantza-taldeetako kideak.
Apirilaren 21ean Aire Zabaleko XII. Pintura Lehiaketa izango da.
Hona hemen egitarau osoa:
Informazio gehiago
