&nbs
AURTEN ERE INAUTERI-JAITSIERA HANDIA SANTURTZIN!!
Hilaren 20an, Santurtzik urteroko Itsas Inauteri jaia ospatuko du. Jaitsiera Sardinera parkean hasiko da arratsaldeko sei eta erdietan, Mendizabal Kapitaina kalea jaitsi eta Maestro Calles kalean gora egin ondoren, Gernika parkean amaituko da.
Parte hartu nahi baduzu, haur edo helduen eta itsas edo inauteri mozorroen kategorietan eman dezakezu izena. Bakarka eta bikoteka mozorrotzen direnei ere saria banatuko zaie. 15 lagun edo gehiagoz osatutako talde guztiek 60 euroko dieta jasoko dute.
Aurtengo jaitsiera ordu erdi lehenago hasiko da. Hainbat gurasok behin eta berriz jakinarazi digutenez, parte hartzen duten haurrentzat jaitsiera berandu bukatzen zen, hori dela-eta jaitsieraren hasiera ordua aurreratuko da.
Ohi bezala, izena emateko Gazte-box edo Serantes Kultur Aretora jo daiteke edo 94 4839244 tel. zenbakira deitu. Gainera, aurten Serantes Kultur Aretoaren web orriaren bidez ere egin daiteke: www.serantes.com.
Hilaren 19an, bilera bat egingo da parte-hartzaile guztiekin. Bertan dortsala banatu eta jarraibideak emango dira Jaitsiera behar bezala gerta dadin.
Hona hemen Itsas inauteriko ekitaldi egitaraua:
Hilaren 20, larunbata
18:30. Jaitsiera Nagusia, Sardinera parkean hasi, Mendizabal Kapitaina kalean behera eta Maestro Callesen gora Gernika parkeraino.
20:00. Diskoteka Gernika parkean 23:00ak arte.
21:00. Sari banaketa Gernika parkean
Sariak honakoak izango dira INAUTERI zein ITSAS INAUTERI kategorietan:
HAURRAK HELDUAK
Lehenengoa 500 € 800 €
Bigarrena 300 € 600 €
Hirugarrena p; 200 € 500 €
Banaka edo bikoteka: 300 euro
