Santurtziko lehiaketak, urriaren 1etik 16ra, kultura eta ostalaritza elkartuko ditu berriz ere pandemia garai hauetan Bost saioak eta sarien zenbatekoak mantenduko dira, guztira 2.500 euro.
Film laburrek Santurtzi hartuko dute aurten ere, urriaren 1etik 16ra egingo den Santurzine Zine Jaialdiaren bederatzigarren edizioarekin. SZ9ren antolatzaileek bost atalak (Estatukoa, Santurtzikoa, Ibiltaria, Kalean eta Euskal Pantailak) eta sarien zenbatekoa (2.500 euro guztira) mantendu dituzte, baita kultura eta ostalaritzaren arteko loturaren alde egiten jarraitzeko konpromisoa ere, iaz pandemia sanitarioa gorabehera hain emaitza ona izan zuena.
Gaur hasiko da bost ataletan izena emateko epea eta uztailearean 20ean bukatuko da, Santurtzi atalekoa izan ezik, irailaren 12ra artekoa luzatuko dena. Parte hartzeko irizpideak mantendu egingo dira: Santurtzi atalean, beharrezkoa da hamabost minutu baino laburragoa den flma izatea eta gutxienez gure udalerrian grabatutako plano bat izatea; Estatukoan, 2020ko urtarrilaren 2etik aurrera egindako ekoizpena izan behar da; Ibiltariak atalean, Amnista Internazionala elkartearen laguntzarekin egindako filma izan behar da; Kalean atalean, Homeless Film Festival Jaialdiari eta Bizitegi elkarteari lotutako atalean, etxegabetasunarekin eta gizarte-bazterketarekin lotutako ikusentzunezkoak landuko dira berriro; e t a , Euskal Pantailak atalean, zirkuitu komertzialetatik kanpo geratu ohi diren euskal lanak proiektatuko dira.
Oinarriak jaialdiaren webgunean daude eskuragarri.
Kultura eta ostalaritza seguruak dira.
Ohi bezala, eta dugun osasun egoera gorabehera, Santurzine Jaialdia berriro arituko da elkarlanean herriko ostalaritzarekin, filmak tabernetan proiektatuz. Iaz, 2020ko urriaren 2tik 17ra egindako edizioan, kultura eta ostalaritza elkar hartuta joan daitezkeela frogatu zen, babes-neurri guztiak hartuta. Osasun-larrialdiaren ondorioz, bi film bakarrik proiektatu ahal izan ziren tabernetan, baina Jaialdia inolako gorabeherarik gabe burutu ahal izan zen, eta ez zen positiborik antzeman.
Santurzineren zortzigarren edizioak Santurtzi Zine Lantegiaren bi jardunaldi ere izan zituen. Horietan, Casa Torre jauregiak bi foro hartu zituen, bata jaialdiena eta bestea sortzaileena, Euskal Herri osoko partaideekin. Antolatzaileen asmoa aurten ekimen honekin jarraitzea da.
